NÊRÎNرۆژه‌ڤكوردستانی

ئایا د. عبدالواحدێ تروریست د گەل خو یێ راستگویە؟

کرمانج ھاریکی

ئەم یێ ل دوریانەکا گەلەکا ب زەحمەت کو بکارین بریارا خو بدەین ل هەردو رێیا کیش رێیێ بگرین. ئەو دوریان رێیا ئول و رێیا عەلمانیەتێیە. کی دکاریتخوە وەکی مروڤ ئێك لا بکەت و رێیەکێ ژ خورا ب باوەری هەلبژێریت ئەو مروڤ د گەل خودا یێ راستە. مروڤێ مە یێ روژهەلاتا ناڤین بگشتی و کورد ب تایبەتی د گەل زاتێ خو د راست گو نینە ژ بلی رێژەیەکا کێم نەبیت. ئەم هەمی یێت قویناغەکا مروڤایەتیێ یا کو ئەڤرو روژهەلاتا ناڤین یا تەژی ئاستەنگ و کەلەم تێرا دەرباز دبین. ئەم هندویێ ئەتموسفێرەکێ سایکولوجی و جڤاکی یێ ب ئارەشەدا یێت ژین. کەسایەتیەکا پارڤەبوی یا نەخوش مە د هندرویێ کەسایەتیا خودا یا هەلگرتی. مروڤەکێ دورو و هەلپەرست و عەقل هەرزەکار یێ بەربلاڤە د وێ کەسایەتیا مە یا کریزەکا پێگەهشتنا جڤاکی دا دژیت.
قوناغا ئەڤ مروڤێ روژهەلاتی یێ د بن نیرێ خەیالا دینی دا دنالیت. کو ژ ئالیەکێ دبینیت و دزانیت سەدەمێت تەڤایا نەهامەتی و ئەو کریزێن د کەساتیا ویدا هەی دینە، کو دینی ئەو یێ دکەساتیا ویدا هەژاندی . لێ دیسان یێت وێقویناغا نەپێگەهشتی یاد ناڤبەرا عەقل و خەیالێ دا دژیت، نکاریت نوهاتیێ عەقلانی وەرگریت . نەڤیت د گەل خەیالا ئولی یا کو هەست پێ دکەت یا داگرتیە ژ درەوێ بژیت.
مەبەستا من ل ڤێرە ئەوە تروریستەکێ موسلمانێ قورئانی کو بریارا خو دابیت ئێدی دێ ل گەل وان خەیال و درەوێن دینی هەلبەستی بژیت. ب هەمی باوەری و قەناعەتا خو رادەستی ئەیدیولوجیا دینی ببیت. ئەو مروڤ ب لایێ کێم د گەل خو دا یێ راستە. یێ ژیای خو ل کریزا دوریانێ رزگار بکەت. کەسەکێ تروریستێ وەکی دکتور عبدالواحدێ داعشی گەلەك باش ئیسلام یا ناسکری. ب هەمی قەناعەت و شیانا خو و بێی روتوش و ڤەشارتن بیر و باوەرێت خو ب شانازیڤە دئینیتە زمان. هەر تشتێ قورئانێ گوتی وەکی کو هەی پێ قەبولە. پیروزیا مروڤا د کەسایەتیا کەسێ عەرەب دا دبینیت. پروزیا دەقی د قورئانێ دا دبینیت. پیروزیا عەردی ژی د مەکەهێدا دبینیت. ئەڤەژی ئەو شەرت و مەرجێن موسلمان بونێنە. هەر کەسێ ل ڤان پرێنسیپان لادەت د گەل خو و قەناعەتا خو وەکی موسلمان یێ سەرراست و راستگو نینە. ئەڤەیە پێکهاتا ناڤەروکا مروڤێ موسلمان.
دوریانا عەلمانیەتێ(سکولاریزم) ئایا مروڤێ سکولار شیایە وەکی وێ کەسایەتیا ئیخوانی دەقێ قورئانی خو یێبگەهینیت؟ رەفزا وان پرێنسیپێت خو بکێم زانینێ ل کەسایەتی و دەق و ئاخا عەرەبا رزگار بکەت؟ کاریە یێ وێرەك بیت و بێژیت ئەز و ئاخا خو د دەقەکێ دیرا ژ بلی دەقێ قورئانێ خو پیروز دبینین؟ ئایا دەقێ ئەلتەرنەتیڤ چ جورە دەقەکە؟ بێگومان دەقێ ئەلتەرناتیڤ بو دەقێ ئولی قورئانی دەستورەکێ مروڤایەتیە. کو د چوارچێوێ وی دەستورێ ئینسانی دا رێزێ ل خو کەسایەتی و ئاخا خو ب پرێنسیپ بگریت. بێگومان هیچ دەستوریەتا ئولەکێ بو ئولەکێ دی جهـ گورکی هەمان مالوێرانیە. چمکی دێ د هەمان خەلەك و بازنا گێژەڤانکی دا زڤرین.
ئەم پێتڤی هندێینە خو د دێربینا مروڤایەتیێ دا ببینین. نە دێربینا خەیالێ دا. وەرن دا د گەل سکولاریەتا خو ب هەلویست و نەترس و راستگوبین. وەرن دا خو ب کوێلە و دەروننزم و نوکەرێن عەقلێ گەنی یێ مللەتێن کویڤی یێن بیابانی نەبینین. وەرن دا بێژین ئێدی پەژراندنا درەوا بەسە. دا ڤەگەرینە مروڤبونا مروڤایەتیا خوە.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close