رۆژه‌ڤكوردستانینێرین

دەست ژ خەلکی بەردەن، مژویلی ژیانا خوە بن..

شەبان مزوری

بباوەریا باشترین دەرونناس، کومەلناس  و فەیلەسوف ئەگەر مروڤ داخوازێ ژێ بکەت بو مروڤی راپورتەکێ دوروست کەن لسەر هوشمەندیا جڤاکا کوردی  دناڤا سالەکێ دا، ئەو مروڤ نە تەنیا هیچ راپورتا دوروست نا کەن بەلکو دێ دەستبەرداری کارێ خوە بن و بچولا کەڤن. چونکە ئەستەمە کەسەک بشێت پیڤەرەک یانژی مێتودەک لێ کولینێ لسەر جڤاکا کوردی بکەتە بنگە ژبو لێکولنێ. گەلێ کورد ژ دەرڤەی ئەوا ئەم دبێژینی مروڤاتی دژیت. بهەمی سالوخێن نەباش گەلەک جیاوازە.

Sakine Madon: Fler partiledare än Sjöstedt (V) borde markera mot dödandet  av kurder – VLT

دڤی تەمەنێ من دەرباسکری من تێکەلی لگەل پتر ژ سەد نەتەوا لجیهانێ هەبویە، بەشەک تێکەلیێن سەردەما خواندنێ بون، بەشەک دی ژ ئەنجاما کاری بو، ئەگەرا سەرەکی بێگومان مشەختی بو. زۆر جاران مە کوردا ژبو کێمکرنا کەسەکی مە ناڤێ نەتەوەک دی دداناسەر، برامانا ئەم کورد زۆر لپێشیا وانین. پشتی ژ نێزیک من تێکەلیا وان نەتەوا کری و نەتەوێن دی ئەز گەهشتم وێ باوەریێ کو ئەگەر کەسەکێ بڤێت کەسەک ژ نەتەوا خوە کرێت کەت بلا بێژتێ ما تو کوردی.

8 Sidor - FN straffar Ryssland

من گومان نینە و پشتراستم کو جڤاکەک یەک دەنگ و یەک رەنگ، جڤاکەک بێ واتەیە. خوەشیا ژیانێ بپر دەنگی و رەنگیێ یە. هەبونا بوچونێن جودا لسەر هەر بابەتەکی یانژی کارەکی، وا دکەت کوجڤاک بکێم تر و ئەرزانترین نرخ و رەنج بگەهیتە ئارمانبجێن خوە. لێ موخابن کورد تا رۆژا ئەڤرو هزر دکەت بمێژیێ ( دێ ئەو بیت یان من گوتی، تەنها ئولێ من و مەزهەبێ من دوروستن، تەنها سەروکێ من زانایە، راستی ئەوە یا لدەف و یێ لگەل من نەبیت دوژمنێ منە و دڤێت نەمینیت، هندەک نوینەرێن خودێ نە، هندەک نوینەرێن رێبەرینە، هندەک نوینەرێن ئبلیسینە، هندەک زەلامن لێ نوینەرێن ژنکانە، هندەک هێترو سێکسوێلن لێ لگەل هومۆسکسوێلانە، بەشەک دی ترانسن لێ خودێ نیاسن، خودێ نیاس دبێژن ئەڤە خودێ نە ناسن، پەدەکە نوکەرا داگیرکەرایە، یەکگرتو خزمەتکار و خولامێ ئیخوانیا یە، یەنەکە کارێ وێ جاشاتیە، کۆمەلە داعشە، کومونیست گاورە) باشە پرس لڤێرە لناڤ لکویژان نەتەوێ ئەڤ دیمەنە هەیە؟

FN-rapport om fångläger i Nordkorea | SVT Nyheter

زۆر جاران دبێژم ئەڤ ژیێ مایی دبیت هەفتیەک لسەر من دەرباس بیت و جڤاکا بدەڤ و لێڤێت یەکدیڤە نەبیت لسەر خەلکێ دی؟  بەرشەلونە و ریال فوتبولێ دکەن، کورد شەری دکەن، سەدر و مالکی ڤێکناکەن، کورد شەری دکەن، عەلی و عومەر ڤێکنا کەن، کورد شەری دکەن، روس و ئەمریکا ڤێکنا کەن کورد شەری دکەن، ئەحمەد یاسین مر کوردا شەرکر، داعش هات کوردا شەر کر، حەشد هات کوردا شەر کر، بەشەک ژ خانمێن ئیرانێ دەرسوکێن خوە سوتن، کوردا شەرکر، تورکا ئاخا مە داگیرکر ل دو پارچێن دی، کوردا شەر کر، موبارەک چو مورسی هات کوردا شەر کر، مورسی چو سیسی هات، کوردا شەر کر، کەسەکی گوت مەککە ژ کوردستانێ پیروزترە، کوردا شەر کر، کەسەک دن گوت لسەر دەما ئوسمانێ کورێ ئەفان ژی گەندەلی هەبو، کوردا شەرکر…..هتد؟؟؟؟؟؟؟) کوردا شەر کر مەبەستا من شەرێ هەڤدو کر.

Kurdistans kung inledde upproret | Militarhistoria.se

بوسرمانێ مە خەلکێ دی ناسدکەت ئەوێ باوەری بئولا وی نەی لێ دیسان دێ بێژیت کافرە، جەهنەمیە، دڤێت بمریت. بێ دینێ مە دێ بێژیت ئەڤێن دیندار پاشکەفتینە و ئەگەرا هەمی وێرانیا مەنە لەوما دڤێت بن بر ببن. یێ دەرسوکێ دکەن سەرێ خوە بو وان یێن بێ دەرسوک بێ رەوشتن، بێ دەرسوک دبێژن ئەڤێن دەرسوکێ دکەن سەرێ خوە دخوازن بێ رەوشتیا خوە لژێر دەرسوکێ ڤەشێرن.

Världen Religion Symboler Tecken På Stora Religiösa Grupper Och Andra  Religioner Isolerade-vektorgrafik och fler bilder på Religion - iStock

 ڤا ئەم نێزیک دبین ژ ٥٠٠ سالیا چاکسازیا لناڤا دێرا کاتولیکا دا برێبەریا مارتین لوتر، کو پروتستانت ژناڤ دەرکەفتن. دەما ئمپراتورێ ئەلمان گوتی یەک دێر و یەک وەلات، پروتستانتا گوتن بیلا چەند دێر هەبن و یەک وەلات و گوتن بلا ئەم هەمی ئازاد بین کەس هزرا خوە لسەر کەسێ نە سەپینیت، لێ ئمپراتور قایل نە بو و جەنگا خوێنا وی دەست پێکر کو بسەلان ڤەکێشا، ماسترین وێرانی و کوشتن بدویف خوەدا هێلا. لێ پاشان زانی کو بنگەهێ مروڤاتیێ ئازادیا بیروباوەریانە.

HISTORIPEDIA: 95 Dalil Martin Luther Awali Reformasi Protestan : Okezone  News

پرس لڤێرە ئەم هەمی وەک تاکێ کورد دێ کەنگی دەستبەردارێ سەپاندنا هزر و بیروباوەرێن خوە بین لسەر کەسێن نە هەڤبیر لگەل مروڤی. کەنگی ئەم دێ قایل بین کو هیچ ئیدولوژی یەک نە بویە و نابیت وەک خوە بمینیت پشتی بورینا دەمەکی. یەک ئول نینە لدوف پێزانینا من لجیهانێ کو یەکگرتی مابیت، یەک ئیدولوژی نەمایە یەکگرتی بیت؟ بکوردی دگتون هەمی رێ دچن ئاشی، هەرچەند ئەڤە گوتنەک پر جوانە ئەگەر مروڤ لسەر راوەستێت، واتە لڤێرە ئارمانج ئاشە نە رێکە. هەبونا گەلەک رێکا واتە هەبوونا گەلەک هزرا، هەبونا گەلەک هزرا ژێرخانا هەرا موکما پێشڤەچونا هەر وەلاتەکی و مللەتەکی یە.

Aerial. People Crowd Background. Mass Gathering of Many People in One Place  Stock Photo - Image of congress, population: 156774628

بکورتی و بکوردی ئەم کورد رێنجبەرێن هەرێ باشین بو بیانیا و ژەهرا هەرا دژوارین بو یەکودو.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close