جیهانیرۆژه‌ڤنێرین

رهلدانا چریا ئێکێ ٢٠١٩ خرش دەرکەفت!!

Kan vara en bild av 1 person

مھەمەد چەلکی

ئەڤرۆ بیرەوەریا سەرهلدانا ئێکی چریا پێشینە ل عێراقێ(١-١٠-٢٠١٩)، ل وێ رۆژا خەلک داڕژیایە سەر جاددێ و بئێک دەنگ هاورا دکر: نە بو سیستەمێ تائیفی بەلێ بۆ دەولەتا مەدەنی،بۆ دەرڤە دەرڤە، ئیران بۆ دەرڤە! ئەو سەرهلدانا بووی دەستپێکا ژبن و بنکارا لەقاندنا سیستەمێ تائیفی ل عێراقێ. سەرهلدێرا ل دژی تەڤایا حزبێن تائیفی دقیراند لەوان ژی هەموو حزبێن تائیفی ترسێ گەهێ وان گرتن و نێزیک ببوو کو تەڤنێ وان جارەک دن ببتە هری و رێکا سەرایا بەردەرگەهێن ئاغایێن خوە ل قۆم، تەهران و دیمەشقێ بگرن. ل پێشیا سەرهلدانێ تەڤایا لایەنێن سیاسی ب تایبەت یێن تائیفا شیعی دگۆتن: خوەنیشاندان مافێ وەڵاتیانە و دستوری ئەڤ مافە ژ هەژی گەلێ (عێراقێ) دیتییە! لێ دەما دیتین کو ئەڤ خوەنیشاندانە ل دژی سیستەمێ تائیفی و پشک پشکانێیە هەروەسا دیار بوونا خوەستەکێن سەرهلدێرا کو سیستەمەک دویری تائیفی و پشک پشکانێ و پاشکۆ بوونا رژێما ئیرانێ دخازن و دادگەهکرنا گەندەلکار و فەرهودکەرێن عێراقێ ب ناڤێن مەرجەع و مەزلۆمییا تائیفا شیعە.

نظرة على ذكرى ثورة تشرين 2019 في العراق وانتفاضة 2018 في إيران

درویشمێن سەرهلدانا چریا پێشێن(١-١٠-٢٠٢٢) و بەردەوامیا وێ بوو سەدەم حوکمەتا عادل عبدالمهدی بهەلوەشت و حوکمەتەکا دەمکی بهێتە دامەزراندن ب سەرۆکاتیا مصطفی کازمی کو هەتا ئەڤرۆ ژی بەردەوامە. ترسا حزبێن تائیفی زێدەبوو، چ ئوین و نەخشێن وان بەرامبەری وێ سەرهلدانێ سەرنەگرتن لەوان تەلەرویتێن سەر ب ڕەوتێ تەلەدینێ ناڤدار موقتەدا سەدر و جل ڕەشێن سەر ب حزب الله و عەصائیب الحق و یێن ماین تەڤ بەربوونە گیانێ خوە نیشاندەران پتر ژ ٤٩٥ کوشتی و ٢١ هزار بریندار ژ سەرهلدایان ئێخستن، ژ ئەگەرێ ڤێ هۆڤەتیێ و بەلاڤەبوونا پەژیکا کورۆنایێ هێدی هێدی بزاڤا چریا پێشین خاڤ بوو.

ﺍﻧﺘﻔﺎﺿﺔ ﺗﺸﺮﻳﻦ ﻓﻲ ﺍﻟﻌﺮﺍﻕ: ﻣﻦ ﺍﻟﻤﺘﺎﺭﻳﺲ ﺇﻟﻰ ﺻﻨﺎﺩﻳﻖ ﺍﻻﻗﺘﺮﺍﻉ

ژ چریا پێشێنا ٢٠١٩ێ وەرە گوهەرتنێن مەزن ل جیهانێ پەیدابوونە کو ئێکسەر باندورێ ل سەر ناڤخوەیا هەر وەڵاتەکی دکەت ب تایبەت ل وەڵاتێن سیستەم دکتاتۆر، تائیفی و دینی. رەوشا عێراقێ رۆژ بۆ رۆژێ بەر شەرەکێ تائیفی یێ شیعە-شیعە دچت نەخاسمە پشتەڤانێ حزبێن تائیفی کو ئیرانە ژ بلی کێشێن وێ یێن دگەل دەولەتێن چارکنار و کێشا ئەتۆمی، ناڤخوەیا ئیرانێ یا دکەلت و سەرداڤێن هلوەشاندنا ڤێ رژێما دکتاتۆر و دینی ئەڤرۆ ژ هەردەمەکی نێزیکتر بوویە، نەخاسمە پشتی شەهید کرنا گەنجا کورد ژینا ئەمینی ئیران تەڤ بوویە ڤۆلکان و ل بن پێن ئاخوندێن مەلایێن ئیرانێ پەقییە.

هل تدخل "احتجاجات تشرين" العراق في حرب الشوارع من جديد؟ | اندبندنت عربية

بیرەوەریا سەرهلدانا چریا پێشینا ٢٠١٩ێ د دەمەکیدایە کو رژێما ئیرانێ مژویلی زرگارکرنا قرکا خوەیە ژ دەستێن گەلێن ئیرانێ یێن سەرهلدای، ب هەمان پشتەڤانیا بەرێ ددا حزبێن تائیفی ئەڤرۆ نەشێت بکەت، خالا دن بێ ئابروو بوونا تەڤایا حزبێن تائیفی و سەرانێن وان د کوشتنا گەنجێن عێراقی یێن سەرهلدانکری و هەتا ئەڤرۆ کەسەک نەهاتیە دادگەهکرن، زێدەبوونا بێکاری، ڤەرێهلایا کەرتێ ساخلەمیێ، کێشا کارەبێ، خزمەتگوزاری و …. تد ئەڤە تەڤ ئیماژەنە کو سیستەمێ پشک پشکانێ و حزبێن تائیفی یێ بەرەف گۆرێ خوە یێ هەژی دچن ئەو ژی زبلخانا دیرۆکێیە.

انتفاضة تشرين: قراءة في معالمها الشعبوية - مقالات

سەرهلدێرێن چریا پێشین(٢٠١٩) وەکو ئەو خوە ب ناڤ دکەن، ئەگەر ل سەر هەما ڕەوتێ دەستپێکێ بچن و خوە ژ مەیل مەیلانا حزبێن پشکداری کری د حوکمەتێن پشتی (٢٠٠٥) دا و بەرەف دامەزراندنا حزبەکا لیبەرال و دیمۆکرات دویری هەموو تێگەهێن دینی دحوکمڕانیێدا و ل سەر بنواشێ دین بۆ خودێ و وەڵات یێ مە هەمیانە هینگێ دێ کارن عێراقێ ژ بن هەژموونا تەڤایا حزبێن کلاسیک و تائیفی و دینی رزگار کەن، ئاییندەکێ باش بۆ هەموو عێراقیان دهێتە چاڤەرێکرن لێ ئەگەر دیسا ب هەمان عەقلییەتا بەرێ بت، ئەڤ بزاڤە ژی دێ خرش دەرکەڤت و تنێ دێ بیتە پێگوهۆرکانێ.

نساء العراق يكسرن الحواجز الاجتماعية ويجابهن العنف | اندبندنت عربية

سەرهلێدێرێن چریا پێشین(٢٠١٩) ئەڤرۆ بەختەکێ باش هەیە چونکو ئیران یا د سەکراتا مرنێ دا و شەرێ تەڤیا گەلێن ئیرانێ دکەت، زێدەباری عمبارگۆیا ئابووری و کێشێن دن دێ پشتا خوە دەتە دویڤەلانکێن خوە ژ حزبێن تائیفا شیعی، بەختەکێ باشە ئەڤ سیستەمێ گەنیێ تائیفی و پشک پشکانێ بهێتە ژناڤبرن و بۆ گویفانکێ زبلخانا دیرۆکێ بهێتە هنارتن.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close