رۆژه‌ڤكوردستانینێرین

تلیاک، چەند ڕێ و ڕێکارێن پارێزەریێ

(2-2)

جاسم محمد شرنەخى

کەتوار دیدەڤان و شاهدە کا چەوان بەندەیێن دەوڵەمەندییا حەرام و باندێن بێ وژدان وپارەپەڕێس ڤێ ژەهرا کوژەک دناڤا جڤاکێ کوردستانیدا بەڵاڤە دکن، ب چ ئاوایێ مالا خەلکێ دبنە بەرێ میراتێ؛ نە هوش، نە ساخلەمییا لەشى، نە تەندروستیا دەرۆنى، نە پاکى و ڕەوشت، هیچ هیچ تشتەک – ل گەل تلیاکێ – نامینت نە هەولوەرت و ژناڤنەچیت! فەرە هەر بێژین و گەلەک دۆبارە بکین: ل گەل گرنگییا وەشاندنا گورزێ ڕۆستەمێ زاڵ و کولما پیلایى ل سەر و کلۆخێ هەمى تاوانبارێن دبنە هاریکار ژبۆ تۆشکرنا جڤاکێ مە ب حەشیشى،

Grebek Narkoba Di Tengah Covid-19, Polisi Tangkap 20 Orang, Sabu Dan Uang  Di Tatanga | KabarSelebes.id

ل گەل پێدڤیا ئەکتیفکرنا لایەنێ یاسایى و دەرئێخستنا سزایێن توند (سێدارەدانێ) و جێبەجێکرنا وان بیێ هیچ سستاهى و دلۆڤانى مینا چەندین وەڵاتان ژ وان: ئەندونیسیا، ئیران، مالیزیا، چین،…گەلەکێن دن، لێ دڤێت بزانین سزا بتنێ وەڵاتى ژ ڤێ تاوانا بابەتێ مە ل دۆر دزڤڕت ڕزگار ناکت، بی گومان ب هەڤڕا پێدڤى چەندین ڕێکارێن جددیێن بەرهەنگاربوون و پارێزەریێینە ژوانان:

Ungdomar i Östersund håller med: Mycket droger i omlopp | SVT Nyheter

1- پشکەکا تایەت یا ئەولەهى ب ناڤێ (پۆلیسێن نەهێلانا ماددێن هۆشبەر) بهێتە پێکئانین، ستافێ ڤى کارى ژ ئەفسەر و کارمەندان ل سەر چەوانییا ئەنجامدانا ئەرکێ پێدڤى باش بهێنە ڕاهێنان کرن، مفا ژ سەربۆرێن وەڵاتێن سەرکەفتى د ڤى بیاڤیدا بهێتە وەرگرتن.

Pak Kumis sang Mafia Narkotika Jaringan Internasional Masih Misterius

2- شالاوەکا دژوار و بلەز یا ئەولەهیێ، یا پشتەڤانیکرى ب ئیڕادەیەکا سیاسى ژبۆ ڕاڤلێنان و دوێڤەکفتنا کونچ کونچ بهێتە پەیڕەوکرن، ژ پێخەمەت دەستەسەرکرنا هەمى دوژمنێن مرۆڤایەتیێ، ئەوێن ئەڤى ماددەى دەربازى کوردستانێ دکن و بازرگانیێ پێ دکن، کون مشک ل وان ببنە قەیسرەى ئەرکەکێ نشتمانى و ئینسانیێ ئەڤرۆیە بەریا سوبەهى.

Ersmarks Idrottsklubb

3- بزاڤەکا جددى ژبۆ سەرەدەریکرنێ ل گەل ئەگەرێن بەڵاڤبوونا ڤێ مەترسیێ بهێتە کرن، هەوڵ ژبۆ دەستنیشانکرن و پاشان ڕاکرنا فاکتەرێن پەنابرنا خەلکەکێ ژبۆ تلیاکێ، هەلبەت ل سەرێ وان ئەگەران بێکارى و هەژارییە، نەخاسمە دناڤا تەخا گەنجاندا، ل ڤى وەڵاتێ هەرێ پاشکەفتى و ڤەماى دڤێت دەستهەڵاتدار و جڤاک خوە تێبگەهینن تەلارێن بلند و وەبەرهێنانێن باڵادەستان و کوند و باژێرکێن وان یێن گەشتیارى و ئاکنجیبوونێ قەت کێشەیێن گەنجان چارەسەر ناکەن، یا دیارە هندى تەلارێن وان بلند دبن ل گەلدا هەژارى و دەردەسەریێن مللەتی زێدەتر لێ دهێن، کەنگى دێ ئاڤاهیێن دەوڵەمەند و دەستاناڤداچوویان بنە ئەگەرێ دەستبەرییا پێدڤیەکا ب تنێ ژى یا گەنجێن مە، مینا هەڤژینیێ یان ژى چارەسەرکرنا کێشەییا بێکاریێ ئەوا دبتە ئەگەرێ هەمى کریارێن هیچ و پویچ و ڕەڤینا کەسێن دەرۆنلاواز بەرەڤ جیهانا خوەژبیرکرنێ ب کێشانا ئەفیۆنێ؟!!

religion - Wiktionary

4- رۆلێ پەروەردەکررنا ڕۆحى و ئیمانى زۆر زۆرێ کاریگەرە، لەوا دڤێت ب رۆناهییا باوەریێ پاکى و پاکژى ل ناڤا جڤاکى بهێتە بەڵاڤکرن، مەترسییا تاوانا بەڵاڤکرن و بکارئانینا ماددێن بێهۆشکەر گونەهەکا مەزنە، بازرگانیا ب وى تشتى هەلبەت ژ کوشتنێ گەلەک خرابترە، سزایێ وێ چەندێ ل دەڤ خۆدێ گەلەک دژوارە، چونکى دبتە ئەگەرێ بەربەڵاڤبوونا کوشتارا مرۆڤان و کوشتنا بهایێن بلند و ڕەوشتان ژى، ل گەل ژناڤبرنا ئارامى و ئێمناهیا جڤاکى.

Polisen borde storma överklassens fester

5- بەرنامە و هەوێن بەردەوام یێن هوشیاریکرن و ڕەوشەنبیرکرنێ ل دۆر مەترسییا بکارئانینا ڤى ماددەى بهێنە پلانڕێژکرن و ئەنجامدان، ژ هەمى ڕەخ و ڕوییانڤە شرۆڤە ژبۆ هەبن، هەمى ئالیێن ڕاگەهاندکارى و هزرکى و کۆمەڵگەهێ مەدەنى بەرپرسییا خوە هەلگرن.

Narkotikapolitisktcenter

6- هەماهەنگى ل گەل حکۆمەتا فیدرال و دەولەتێن دڕاوسێ هەبت، ژبۆ هەڤکاریکرنا دژى دەربازبوون و ئالگۆرکرنا بازرکانیێ ب ماددەیێن بێهۆشکەر.

Kızgın Çift Ebeveynler Boşanma Üzgün Çocuk Ağlıyor Stok Vektör Sanatı &  Aile'nin Daha Fazla Görseli - iStock

7- هەمبێزا خێزانێ ژبۆ پارێزەریێ هیچ بەردێل و گوهۆڕەک (بەدیلەک) بۆ نینە، لەوا دڤێت دەیباب و سەمیان: تەرکەخەمیێ د بایەخپێدان و سەرەگوهى و دلۆڤانی و چاڤدیرى و پەروەردەکرن و هوشدارییا زاڕۆک و گەنجێن خوەدا قەت نەکن، هەلبەت شەرێ دۆزەخیێ تلیاکێ گەهشتە هەمى جادە و کولانان ، گەر ئەم خوە پەیت نەکین کومان نینە عەزیزێن مە، کوڕ و کچێن مە دێ بنە نیچیرا صەمرۆڤێن بازرگان ب حەشیشى.

تشتەکێ دویترێ دلئێش و ب سەهم هەیە، ئەو ژى ئەو ڕاستیە یا ڕۆژ ب رۆژ پتر خوە پتر دیار دکت، ک هندەک لایەنێن جیهانیێن زڵهێز هەنە بزاڤەکا بەردەوام دکن ژبۆ ئاسایکرن و هەتا یاساییکرنا سێ مەترسیدارترین خرابکارییان ل سەر ئاستێ تەڤ وەڵاتێن دونیایێ، وەکى ڕەوشەنبیر و شارەزایێ بسپۆر ب خێزانداریێ دکتور (جاسم ئەلموتەوەع) دیار کرى ئەوژى ئەڤەنە: (هەڤڕەگەزبازى، بکارئینانا ماددەیێن بێهۆشکەر، نەباوەرمەندى “ئیلحاد”)، لەوا دڤێت ئەم هەمى بەریا ئەڤ سێگۆشەیا ئيبليسييا هەلوەشێنەر مە بفەتسینت ئەم خوە و خێزانێن خوە ئاسێ و قایم بکن بکینە کەلهێن خوەپارێزەریێ، و (درهم وقایة خير من دينار علاج- زیڤەکێ پارازتنێ ژ زێرەکێ دەرمان و چارەسەریێ باشترە).

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close