كوردستانینێرین

چاکسازییا کوردى.. دوژمن و هەڤڕکێن وێ

(پشکا سیێ)

جاسم محمد شرنەخى

ل پشکا بوورى ژ ڤێ زنجیرەیێ ئەم چەندەکا کێم ل هنداڤى سرۆشتێ ڕێکا چاکسازیێ ڕاوەستان، مە دیت نە ئۆتۆبانە، بەرۆڤاژ یا ئاسێ و سەختە، دژمنێن وێ لویلیێن چەکێ بەرگرى و دژایەتیێ قەت شۆر ناکن، تا هەر پڕۆسیسەکا چاکخوازییا دروست ژناڤ نەبن یان ئەو بخوە ژناڤ بچن، نها دێ فۆکسا ئەلەنتریکێن بهێز ئێخینە سەر بەرزترین ئەوان هەڤڕک و دژبەران، کا کینە و چما دژمناتییا هەر هەوڵەکا پێشخستنا کوردستانێ دکن؟! بکورتى، فەرە بێژین:

Vad kan vi göra åt korruptionen i EU? – Piratpartiet

هەمى كەسێن ژ گەندەڵیێ مفادار دوژمنێت سەرسخەتن، چونکى بۆ وان چاکسازى زیانبەخشە، ڤیجا ئەو ل چ جهـ و ئاستەکێ بن: بلند یان نزم، سەردار بن یان سەردەست، حوکمڕان بن یان ژێر حوکم، خویانى بن یان هەتا بیانى ژى بن؛ هەمى ل سەمتا چاکسازیێ د ئێک چەپەردانن، یا ڕۆهنە بیانى هەڤپشکێن سەرەکیێن خوارنا خێر و بێرێن مەنە و مێژتنا خوینا ڤى مللەتینە، ژبلى ڤان هەمییان ژى خوەدى (جەهالەت) ئانکۆ نەزان سوپایەکێ مەزنێ نە سەر دیار نەبن ل دژى چاکسازیێنە!! ئەگەر خاڵان ل سەر پیتان دانین و خوە نەخاپینین دڤێت بێژین:

Sverige behöver förbättra sitt arbete mot korruption" - Dagens Juridik

ل سەرێ دژمنێت چاکسازیێ ئەو ئەژدەهاکێن کاربدەستن، یێن هەر تشتەکێ مەزن ل کوردستانێ بێى فەرمان و ئەمر و نەهیێن وان بڕێڤە ناچن، ئەون یێن ب سامانێ کوردستانێ و نەخاسمە ب کونتڕۆلکرنا داهاتیێن پەترۆلێ هەر یەک ژ وان و کوڕ و نەڤیێن وان بووینە (قارۆنەکێ) ڤى سەردەمى، یێ هێشتا دەستبلوینک پێڤە و ژ هەمیان کێمتر بۆ هاتیە کۆمکرن خودانێ (سەدەها ملیۆنێن دۆلارانە)، ئەها ئەڤن یێن دبێژنە وان (زێرەڤانێن وێ دزێن وێینە، حامیها حرامیها)، ڤێجا چەوان ڕێکێ ل چاکسازیێ نەگرن، گەر ببت یا دویماهیێى و ئەو بشێن چەوا تەر و هشکان پێکڤە ناشەوتینن؟!

En alldeles svensk kompiskorruption - DN.SE

ئەڤێن بەحس ژێ هاتینە کرن، ئەوان دوو جۆرێن دویترێن دژمنان هەمبەر چاکسازیێ چێکرینە جۆرەک ژ دەرڤەنە و یەک ژ ناڤدا:

ب پشتەڤانیا چەند بەڵگەیان کۆمپانیا قەیوان کارێ قاچاخ کریە - پرس بادینی

یەکەم (دەرەکى)، بێى درێژکرن:

Details

کومپانیێن زەبەلاحێن پەترۆلێنە و دەولەتێن ل پشت وان دێوە قەوارەیێن ئابۆرینە، ئەها ئەون ل گەل گەندەڵکارێن مە بووینە هەڤپشک ڤێجا چەوا (گاى د کولینێ ڕا نادەرئێخن)؟!، گۆرەى پێزانێن پڕ بەڵاڤ ژبلى وەرگرتنا خەرجیێن لێگەریان و دیارکرن و دەرئێخستنا هەر برمیلەکا پەترۆڵێ ل کوردستانێ ئەو کومپانیێن بیانى ب ڕێژەیا (57%) هەڤپشکێن قازانجێینە ژى تەنها (43%) پشتى ڕاکرنا هەمى مەزاختیان کەڤتە ددەستێن دەستهەڵاتدارێن مەدا، ئانکۆ وەکۆ مشارێ ژڤى ئالى و ژ وى ئالى دبڕن، ئەڤە یا ئاشکەراکریە، هەلبەت یا ڤەشارتى قەبحەترە، ژ گاى گوهـ بۆ خەلکێ هەرێمێیە نامینت!

وكالة الأنباء العراقية المستقلة - المالية النيابية: العراق اقترض 20 مليار  دولار حتى نهاية العام.. أسوأ خطوة ارتكبتها الحكومة

جۆرێ دویێ: ئەو لەشکەرێ ب سەدەهان هزاران دهێنە هەژمارتن، ژ پارێزەرێن گەندەڵان چ بندیوار بن یان ژى داردەستێن زالمان بن، هەمى دەمان د ئامادەنە چرایێ هەر چاکسازایەکێ بڤەمرینن و پەل و خوەلیا گەرم ب سەرێ چاکسازێن ڕاستەقینە وەرکن، یا دلئێش هندەک ژ ڤان خرابکار و بەدڕەوشتان هەلگرێن خامەیانن، ڕەوشەنبیرن، دەڤێن وان ژ پارەى هاتینە پڕکرن، بەهرەک ژێ رۆژنامەڤان و ڕاگەهاندکارن، و گەلەکێن دن ژ بژارەیا سیاسى و هزرکینە، هەمى ژى کارێ زڕنابێژى و دەهۆلقوتیێ ژبۆ پاڵەوانى و قارەمانییا حوکمڕانان ئەدا دکن.

افتتاح ديوان للمقيل بأمريكا يجمع شباب الجالية اليمنية في نيويورك .. صورة

دیسان ژ دوژمنێن چاکسازیێ ئەو تۆڕا مفاوەرگرانە، ل دەستپێکێ ئاغایێن خودانێن خوە و دوخینێنە، هەمى بەرژەوەندیێن وان و کەس و کارێن وان پارستینە، پارە ژ کۆچکێن وان ڕا دهێنە ڕژاندن، کورسیێن پەرلەمانێ ل هەولێر و بەغدا بۆ کچ و کوڕێن وان دهێنە مسۆگەرکرن، کا دەستێن وان چەند بەرز و درێژن دۆجارى باڵاتر و دویرتر دکن، ئەڤە ژى هندى ژ وان دهێن ئەڤێ ڕەوشا بۆ وان بەهەشت و ژبۆ مللەتى ژەهر دپارێزن، ناهێلن خەلک ژ خەوا عەشیرەتگەریێ هوشیارببن و ژ تاریتیا کوڵەتیێ ڕزگار ببن، ژلایەکێ دویترڤە ئەو بزنسمەنن یێن پشکەک ژ وان ل سەرى دەستهەڵاتدارن پەزى ب کەڤلڤە دخۆن، یێن دن ژى دەولەمەندێن خوەجهینە یێن خوە کرینە لافیتە ژبۆ ئەڤێن ئێکەم، نوکە نان و پێدڤیێن هاوڵاتییان ل ژێر دلۆڤانییا بێ دادییا وانن، هەما شەرمزارییا هێلانا هزارەها تۆنێن ئازۆقەى د عومبارێن ئەرزاقیدا ل دهۆکێ، بەهرا چەندین هەیڤان دستەسەر کرین و ڤەبەست کرین، ژ بۆ یێ کوڕە ژى بەڵگەیەکا دیارە کا ئەڤە چ جۆرە دوژمنێت چاکسازیێینە! ئەڤە هندەک ژ دژمنێن چاکسازیێ بوون، بێ گومان دناڤدا یێن ژ هەمییان پتر خوە ب هەلگرێن پرۆژەیێ چاککرنێ دەنە نیاسین هەنە، ئەو بخوە مەزنترین ڕێگرن.

Fakta om fattigdom - UNICEF Sverige

هەر چەوا بت دڤێت عەقلییەتا موحافزکارى و یا ب ترس ژ گوهۆڕینێ ژبیر نەکین، ئەو ژى ل هەمبەر چاکسازیێ پێشبڕەک قایم و گەڤئاخستنەکا توندە و مەزنە، هەر چەندە ئەو دەربرینێ ژقوربانیێن گەندەڵیێ دکت، ئەوێن ژ تەڤایان پتر زیانڤێکەفتی.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close