مھەممەد چەلکی
بزمار (١١)
بۆ ڕەڤێ ئەشهەدو بیلا
پرسیار دکەن ژ حەمێ
تە چ ژ شاندێن دچن بەغدایێ زانی
رۆژ بۆ رۆژێ دبت گرانی
تو ب ڤی دەردی دزانی
یان وەک سیاسیا درێسی
خەما ناڤڕان و بەرویکێ تو ژی گرتی؟
– شاند و وەڤدێن کوردستان
ل بەغدایێ بدانن مال
مادەم نینە ئێکرێزی
دێ زڤڕن دەست بەتال
سیاسی ببن تجار
قەت ئاڤا نابیت ئەڤ وار
نرخ و بهایێن هەر تشتی
دێ هەر بلند بن، ناهێنە خار
– عەبێ و سمێ
دبێژنە حەمێ
ئەڤە ئەم چووین،
ئەزمان درێژی و کارددەی ناڤ هەمێ!
– بۆ ڕەڤێ ئەشەهەدو بیلا
ل پرسان خوەش دنەبانین
لەوا هێلاین رووەندا و سۆمالا
حوکمەتا لێ بازدەن وەزیر
وەڵاتی دمینن زکۆ دەست ڤالا
خرپۆ لێ دبن باش وەزیر
تالان ڕادبت ل سەر عەردو بن عەردو مالا
ڤێجا سمێ و عەبێ
پرسان بکەن، نەگرن رێکا ڕەڤێ
دارا ئومێدا شین و کەسک دبت
ب کۆلان و چاڤدان و ئاڤدانێ
