رۆژه‌ڤكوردستانینێرین

جارەنڤیسێ مە دناڤبەرا هەبونەکا بهێز وهەبونەکا کارتونی

پەیبەر پەنابەر

بێ گومان ئەگەر ئەم ڤەگەرێن درست بونا پێگەهێ هەرێمێ وەک هەرێمەکا فەدەرال هەر ژ سالێت نوتا و تائیڕو د راستی دا چێکەرەکا دەرەکی بو بتایبەت ل سەر دەستێ ئەمریکا و هەڤپەیمانا.

ئەو بون ئەڤ زەمینە دروست کری و ئەو بون خاک و خەل ب زەمین و ئەسمانڤە پاراستی ، ئەو بون رژێما بەعس ژناڤبری، ئەو بون فشار ل دەولەتێن ئاقلیمی کری کو کوردا د ئەنفال و کوجا ملیونی دا وەرگرن، هەر ئەو بون جار د شەرو ناکوکیێن ناڤخو ئەم پێک ئینای، دیسان ئەو بون پشتەڤانی ل مە کری د دستورێ عیراقێ دا هندەک ماف بهێنە داین، دیسان د حکومەتێن دەمکی ژی دا پشت و پەنا بون، دیسان هەر ئەو بون داعش ژ سرو چاڤێت مە ڤەکری ، تا نوکە ژی ئەون بریا سیستەمێ خو یێ بەرگریێ موشەکێن ئیرانێ ل هنداڤی هەولێرێ د تەقینن ،هەر ئەوبون دبێژنە تورکا ل سنورێن خوە راوستە، و دیسان ئەون موجە و جەکو پێتڤیێن سەربازی و مەشق و راهێنانا ب هێزێن هەرێمێ دکەن و دیسان ژی ئەون د بێژنە مە خو بکەنە ئێک و هەلبژارتنا بکەن و جاکسازیێ بکەن و خوە د هە می بیاڤێن سیاسی و ئابوری و لەشکەری و لوجستی و جڤاکی دا ئاڤا بکەن لێ پێجەوانەی وێ سەدا سەد مە کر! لەوما ژی یا ئەڤرو رویددەت ئەوە یا مێژکێ دەستهەلاتا کوردی د ماوێ سیهو دوو سالادا جاندی پێجەوانەی بریارێن ئەمریکا و هاوپەیمانا هەر ج دوژمنێ ئەمریکایە دەستێ خوە کرە دناڤ دەستا دا ،هەر ج بریارێن یاسایی و نەیاسایێن حکومەتا مەرکەزی پن پێ کرن و سەربەخو قاونا حزبی و مالباتی لێددا و ب فریودانا ریفراندومەکێ کەرکوکا دل و قدسا کوردستانێ ژدەستدا و ئەسمان ژ دەستدا و هێدی هێدی گەهشتە ئەڤرو کو (دەستێ ب گوزەکێ) یە .

هە ر چ ئەو پروتوکولێن تایبەتێن حزبی و بنە مالی یێ دهێنە ئیفلیج کرن و وەکی کیسەلەی دەست و پێتمە کرنە د زکێ مە دا . ل سەر ئاستێ ناڤخوی ژی هیج حسابەک بو پارتەکێ، لایەنەکێ ، نەکر و پێحەوانە دژایەتی و دوژمنایەتی کر ، کەس و مالباتێن قوربانی دەر دور خستن و خائین و خوینمێژێن دوهی کرنە خوشمێرێن ئیرو ، روشنبیر کوێلە کرن، گەنج کوجبەر و ئیفلیج کرن ، خزمەت گوزاری کرن ژەهرە مار ، باچ و خەراج سەد قات کرن ، بازار تژی تشتێ ئیکسپایر کر ، پەروەردە و زمانێ دایکێ کرە پلە دوو، کال فام دانین جهێن بلند و پایە بلند هاڤێتن پاشیێ , داهات و گومرک و باج هەمی سیستەماتیک ل سەرخوە پارڤەکرن ، دەنگێ ئازاد و ئازادیا رادەربرینێ زیندان کر ،نەفت گرانکر بەنزین کرانکر هاولاتی بێ یاسا قەردارکر ، موجە و ئێمتیازات راگرتن و پاشکەفت کرن و ب نیڤی کرن .

ل داویێ ئێک حەلیفێ فێفتی فێفتی هەبو ئەو ژی کرە سینەما و لەت لەت و بال بال کر و بخوە نەهێلا و دروشمەکێ فانتازی یێ بەرز کری بناڤێ حکومەتا بهێز کە ج کارەبا وێ حکومەتێ سەماورەک پێ کار ناکەت جایەکێ پێ گەرم کەی، ئیرو ژی ل هەمبەرێ ڤان شاشیا هەمیا سەروکێ حکومەتێ دبێژیت( یێن ئەڤرە دگەل مە نە بلا د ئایندە دا داخازا چ مافا نەکەن) .. ئەرێ ئەوێن سەدەکە دگەل تە تە چ ماف دایێ تە چ کەرامەت بو هێلا ؟ خو سەدەکە ئەڤ خەلکە دگەل وە و دەریایەکا خوین و خوهێ دا و ج ژی ژ وە نەدڤیا تەنێ ئازادی ،موجەک ،بەرمیلەکا گازێ، ئاڤ و کارەب ، خزموتگوزاری …..هتد خو داخازا کورسیکێ نەکریە داخوازا بیرێت نەفتێ نەکریە ، داخوازا گومرک و باجا نەکریە .

لێ وە جینایەتی و رک و کین و دوژمنایەتی دناڤ تەخێن جڤاکی دا پەیدا کر . براستی ژی ئەڤ دەستهەلاتا مە یا د کولینکا بانی را زروفێت کوردستانێ دبینیت و دخوینیت و ل هیڤیێ نینە دەرکەڤیتە سەربانێ و راستیا ببینیت ئەکەر تەنها دوژمنێت خو ببینیت باورم شەڤ و روژ نانڤیت وە دێ گەلەک بخوداچیت دەمێ دبینیت (وەکی پرتەکا بەفرێ .. روژ بو روژێ یا دحەلیێت ) هەتا کو نەمینیت . ب باوەرا من هێشتا ژی دەمێ بخوەدا چونێ یێ مای ئەگەر نە دێ هەمیێ ژ دەست دەین .

پتر به‌رچاڤ بكه‌
Back to top button
Close