جیهانیڤه‌كۆلینكوردستانیمێژونێرین

ئەرێ عیسا کورێ سەربازەکێ رۆمانی بوو؟ئازادی و پیرۆزی دوو چەمکێن دژ هەڤن!!

مهەممەد چەلکی

ل بن ڤێ سەرگۆتارێ مالپەرێ ( ستار ئینسیدر، Star Insider) گۆتارەکا دیرۆکی-شیکاری بەلاڤکرییە، مخابن نەشیام هەمیێ بدەست بێخم چونکو یا کلیل دایە، ئا گرنگ د ڤێ گۆتارێ دا کو بوویە شۆکەکا مەزن بۆ تەڤایا باوەردارێن مەسیحیێ و دویری ڤەخاندنا ئنجیلێیە بۆ کەساتییا مەسیحی.
ناڤێ مەسیحی ب یوسفێ دەزگرتیێ مریەمایێڤە گرێدایە کو مریەما مەهرکریە و خویشکوبرا ژێ هەبوون، ئەڤە دیدا ئنجیلێیە لێ فەیلەسۆفەکێ ل نیڤا دوێ ژ سەدێ دوویێ ب ناڤێ کیلسوس( Celsus ) ئەڤێ دیدێ ڕەتد دکەت کو ڤەگێڕانا ” ئنجیلێ ” بۆ عیسای ڕاست بیت بەلکو کورێ سەربازەکێ رۆمانییە!!
ژ بلی ڤێ چەندێ ب دژواری هێرشێ دکەتە سەر باوەرا مەسیحییەتێ و ب دژی عەقل و لۆژیکێ دهەژمێرت.
هەلبەت بەڵاڤەکرنا گۆتارەکا بڤی ڕەنگی و پشتی زانستی پێنگاڤێن نەبەرهۆش هاڤێتین و تەڤایا باوەرێن ئولی و ڤەگێڕنا ئولی بۆ دیرۆکا مرۆڤاتیێ ڕەتکرین، هەلبەت ب ئەرگۆمێنت نە بادل هەوا، وەک چیرۆکێن ئول ڤەدگێرن!! نە تشتەکێ نوویە ل رۆژئاڤا بەلکو ژ ڤێ گۆتارێ گەلەک دژوارتر ژی بەردەوام دهێنە بەڵاڤکرن. لێ ئەم چ نەرازیبوونا ژ لایێ کنیسە، پاپایێ ڤاتیکانێ، کنیسا رۆژهەلاتی و باوەردارێن مەسیحییێ نابینین و کوشتنا کەسەکی حەلال ناکەن!
گەلۆ ئەگەرێن ڤێ چەندێ چنە؟ ئەرێ ما عیسا و ئولێ مەسیحییەتێ نەپیرۆزە ل دەف باوەرمەندێن وان؟ بۆچی ئەو دبێدەنگن!! وەسا نەهێتە زانین یان تێگەهەشتن کو ئەڤە ب دلێ پاپای، کنیسە و باوەرمەندانە نەخێر بەلکو ئەڤە بەرهەمێ ئازدییا هزرێیە کو ب چ رەنگەکی ناهێتە بەربەستکرن.
باوەری و پیرۆزی بەرهەمێ ئافراندنا مرۆڤینە و چ پەیوەندی ب ئولانڤە نینە و سنوورێن پیرۆزیا بەردەوام دهێنە گوهۆڕین و نەجێگیرن، چونکو کردەک مرۆڤینە.
بیننە بەرچاڤێن خوە کەسەک ڕابیت ژیانا محمەد پێغمبەری ژ لایێ دەروون شیکاریڤە باس بکەت و کردارێن وی ئەوێن دیرۆکێ بۆ مە ڤەگێراین شرۆڤە بکەت، یان پرسا ناسخ و مەنسوخا د قورئانێ دا، ئەرێ د چ قەومیت؟
باوەردکەم هێشتا پرسا کاریکاتۆرا و رۆمانا سەلمان روشدی و کوشتنا عەبدلخالق مەعروفی ل بیرا هەوە هەمیان مایە.
ئها ئەڤەیە مە ژ ئەورۆپا و رۆژئاڤای جودا دکەت (ئازادیا هزرێ)
ئەو دێ هەر پێشکەڤن و ئەم ژی دێ هەر ل پاش بین و ل دورا بازنا بۆش زڤڕین!!
هەلبەت ژ لایێ لۆژیکێڤە هەموو ئول د شەپلینە، لێ د دیرۆکێ دا رۆل هەبوویە د پێشڤەبرنا شارستانیێ و ئارستەکرنا مرۆڤان دا. چەند زانست و مرۆڤاتی پێشڤە دچت، ئول هند و بەلکو ب ڕێڕەوەکا بلەزتر پاش پاشکی دچت و رولێ خوە ژ دەست ددەت. ئەگەرێن وێ ئەون کو ئول کردەک و ئافراندنەکا مرۆڤییە بۆ خوە رێکخستن و برێڤەبرنێ!!
ئەڤجا عیسا کورێ سەربازەکێ رۆمانی بت، یان ژی یێ یوسفێ دارتاش بیت، محمەد ئێتیم بیت یان کورێ سەرۆک ئێلەکێ ناڤدارێ عەرەبان بیت، چ ژ مەسەلێ ناگوهۆریت و دێ مینیت ئول کردەک مرۆڤی و ب دەستێ مرۆڤان هاتینە ئافراندن.
هەر ئافراندنەک دەما دەم ب سەرڤە چوو رێک ل بەر ئافراندنەکا دی دەشت دبیت و هوسانە ڕێڕەوا دیرۆکێ برێڤە دچیت. یا گرنگ ئازادی و نە ئێشاندنا مرۆڤانە ل سەر باوەرێن وی. هەڤپەژراندن و ئازادیا هزرێ دوو چەمکێن پر گرنگن ئەڤرۆ ل وەلاتێ مە بهێنە پەیادەکرن و کەس ل سەر پرسێن جوداهیێ نەهێنە ئازاردان یان ژی کوشتن.
فەرە ئەم سنوورێ تێگەهێ پیرۆزیان بەر ب کەسۆکیێ ببەین و بێژین:” پیرۆزیێن تە، یێن تەنە و دیدا من ل سەر پیرۆزیێن تە، نە بۆ سویشکاندنا تە نە لێ من مافێ رەخنێ و پەیادەکرنا دژی پیرۆزیێن تە هەیە، نە ئەز د پیرۆزیا خوەڕا سەرەدەریێ ل گەل تە بکەم و نە تو د پیرۆزیێن خوەڕا من تاوانبار بکەی.”

پتر به‌رچاڤ بكه‌
Back to top button
Close